"აშშ გააგრძელებს საქართველოსთან ახლო მუშაობას ევროკავშირისკენ მიმავალ გზაზე", - ამის შესახებ შეერთებული შტატების საელჩო საქართველოში წერს და საქართველოსთვის რეკომენდაციის მინიჭების თაობაზე ევროკომისიის გადაწყვეტილებას ეხმაურება.

გილოცავთ ყველა ქართველს! დღევანდელი რეკომენდაცია არის საქართველოს ევროატლანტიკური ინტეგრაციისკენ გადადგმული უდიდესი ნაბიჯი. შეერთებული შტატები გააგრძელებს საქართველოსთან ახლო მუშაობას ევროკავშირისკენ მიმავალ გზაზე. ჩვენ გვჯერა თქვენი ევროპული მომავლის, - წერს აშშ-ის საელჩო.