თეთრმა სახლმა ბრაზილიის პრეზიდენტი უკრაინაში მიმდინარე ომის წახალისებაში აშშ-ის დადანაშაულების გამო გააკრიტიკა. 

როგორც ცნობილია, პეკინში ვიზიტის დასასრულს, ლუის ინასიო ლულა და სილვამ აღნიშნა, რომ შეერთებულმა შტატებმა „მშვიდობაზე საუბარი უნდა დაიწყოს“. 

დღეს, ეროვნული უსაფრთხოების საკითხებში თეთრი სახლის პრესსპიკერმა ჯონ კირბიმ განაცხადა, რომ ლუის ლულა თავისი შენიშვნებით „რუსულ და ჩინურ პროპაგანდას აწარმოებს“.
„ბრაზილიის ლიდერის შეხედულება "უბრალოდ მცდარია",“ - დასძინა ჯონ კირბიმ.