ასეთი ემოცია ცხოვრებაში არასდროს მქონია და მადლობა ქართველ გულშემატკივარს, რადგან ბევრ სტადიონზე მაქვს ნათამაშები, მაგრამ ასეთი რამ არსად მინახავს, - ამის შესახებ საქართველოს ნაკრებისა და „ნაპოლის“ ფეხბურთელმა ხვიჩა კვარაცხელიამ განაცხადა.

მისი თქმით, შესაძლოა ზოგს არ ეჯერა მათი, მაგრამ არა უშავს, ახლა დაიჯერებენ.

„უბედნიერესები ვართ მართლა. არ ვიცი, ასეთი ემოცია ცხოვრებაში არასდროს მქონია და მადლობა ქართველ გულშემატკივარს, რადგან ბევრ სტადიონზე მაქვს ნათამაშები, მაგრამ ასეთი რამ არსად მინახავს და დიდი მადლობა. თქვენ იყავით ერთ-ერთი ყველაზე მნიშვნელოვანი ფაქტორი, რომ დღეს ჩვენ გავიმარჯვეთ. ძალიან დიდი მადლობა“, - აღნიშნა ხვიჩა კვარაცხელიამ.