ასაკის დათვლის ახალი წესის მიღების შედეგად, სამხრეთ კორეელები 1-2 წლით ახალგაზრდები გახდნენ. ინფორმაციას უცხოური მედია ავრცელებს. 

სამხრეთ კორეაში ახალი კანონი ამოქმედდა, რომელიც მოქალაქეების ასაკს საერთაშორისოდ დამკვიდრებული სტანდარტების მიხედვით განსაზღვრავს.

აქამდე სამხრეთ კორეაში ასაკის ათვლის 2 ტრადიციული მეთოდი იყო გავრცელებული: პირველის თანახმად, ბავშვი დაბადებიდანვე 1 წლისად ითვლებოდა, ხოლო ყოველი წლის 1 იანვარს 1 წელი ემატებოდა. ამ მიდგომით, 31 დეკემბერს დაბადებული ბავშვი მეორე დღეს უკვე 2 წლისად მიიჩნეოდა.

კიდევ ერთი გავრცელებული მეთოდის მიხედვით, ადამიანებს, დაბადების თარიღის მიუხედავად, ასაკი მხოლოდ 1 იანვარს ემატებოდათ.