“ვენერა ნაბოზარ ობოლაშვილი, უფრო ცნობილი, როგორც „საქართველოს შავი ქვრივი“, სერიული მკვლელია, რომელმაც ქონების შესანარჩუნებლად,  ორი ქმარი და მოხუცი ქალი მოკლა”,- ამის შესახებ არგენტინული მედია წერს. 

1985 წელს,  როდესაც ის სულ რაღაც 31 წლის იყო, ობოლაშვილმა  თავისი პირველი ქმარი, 41 წლის იური იურკინი, საშინელი, ცივსისხლიანი მეთოდით მოკლა -  მოძრავი მატარებლიდან გადააგდო. მისი მოტივი სიხარბე იყო, მაგრამ იურკინის გარდაცვალება არ შეფასდა, როგორც მკვლელობა, ხოლო „შავმა ქვრივმა“  თავისი ბინა 4000 დოლარად გაყიდა.

მან მოახერხა ამ მკვლელობის დამალვა და სასჯელს გადაურჩა. შემდეგ იყო ანატოლი კალინკა, რომელზეც დაქორწინდა და კვლავ ფინანსური მოტივით  ხიდიდან მტკვარში გადააგდო, რის შემდეგაც ბინის გაყიდვით 50 000 დოლარი გამოიმუშავა.

2009 წელს კი მსხვერპლი იყო მისი 80 წლის ქვრივი დეიდა მარია აზამასცევაა,  რომელსაც ვენერა ბავშვობიდან იცნობდა. ობოლაშვილი დათანხმდა დეიდას ბინის გაყიდვაში დახმარებას, მაგრამ სცადა გარიგების დასრულება 22000 დოლარად, რაც ორ ქალს შორის შეთანხმებულ ფასზე დაბალი იყო,  ამ დროს მკვლელმა მოხუცი ქალი საწოლზე დააგდო და, როგორც ჩანს, დაახრჩო, რადგან ვენერამ მოგვიანებით განაცხადა, რომ არ იცოდა და ეს შემთხვევით მოხდა. 

მან ცხედრის გადამალვა სცადა, ვარკეთილის მეტროსთან მივიდა, "ფერადი ჩანთა" იყიდა, მერე დაბრუნდა და ცხედარი შიგნით ჩატენა. სერიული მკვლელი მიხვდა, რომ საფლავის გათხრა არ შეეძლო, რის გამოც ცხედარი მდინარეში გადააგდო. 

დანაშაულის შემდეგ ობოლაშვილმა ბინა ახალგაზრდა ქალს 20 000 დოლარად მიჰყიდა. თუმცა, სწორედ აქედან დაიწყო პრობლემები, რადგან აქტის გადაცემას მესაკუთრის ხელმოწერა სჭირდებოდა. მკვლელმა მოაწყო ისე, რომ ქალი, რომელიც გარკვეულწილად ჰგავდა გარდაცვლილ მარიას, წასულიყო მასთან ნოტარიუსთან დოკუმენტებზე ხელმოწერისთვის.

როდესაც პოლიციამ მოხუცი ქალის ცხედარი იპოვა, დაადგინა, რომ ის მოკლული იყო, თუმცა მსხვერპლის ვინაობა ამ დროისთვის უცნობი იყო. სწორედ მეზობლებთან შელაპარაკება მოჰყვა პოლიციის ჩარევას, რამაც ყურადღება მიიპყრო ვენერაზე და 80 წლის ქალის მკვლელობაზე.

მკვლელი 2009 წლის 15 დეკემბერს დააკავეს არზამასევას დანაშაულისთვის, მაგრამ  მან აღიარა არა მხოლოდ მოხუცი ქალის მოკვლა, არამედ მისი ორი წინა ქმარიც.  2010 წლის 9 მარტს თბილისის საქალაქო სასამართლოს მოსამართლე ნინო სანდოძემ უკვე 55 წლის ობოლაშვილს 23 წლით თავისუფლების აღკვეთა მიუსაჯა.