არგენტინის ნაკრებმა დრამატულ მატჩში საფრანგეთი დაამარცხა და მსოფლიო ჩემპიონობა მოიპოვა. 

ფინალი დრამატულად წარიმართა. პირველი ტაიმი არგენტინის გამარჯვებით 2:0 დასრულდა. მეორე ტაიმში კი საფრანგეთმა ანგარიში გაათანაბრა, რის გამოც მატჩი დამატებით დროში გაგრძელდა.

დამატებით ტაიმებშიც გუნდებმა თითო ბურთი გაქვითეს და ჩემპიონის ვინაობა პენალტების სერიამ გადაწყვიტა.

შესაბამისად, ამ მუნდიალზე, საფრანგეთის საფეხბურთო ნაკრები ვერცხლის მედალს დასჯერდა, ხოლო ბრინჯაოს მედლები ხორვატებმა გუშინ, 17 დეკემბერს გამართული მატჩის შემდეგ, მაროკოს დამარცხებით დაისაკუთრეს.

ცნობისთვის, არგენტინა მსოფლიო ჩემპიონი მესამედ გახდა.