რუსეთის საგარეო საქმეთა სამინისტროს სპიკერი, მარია ზახაროვა უკრაინის პრეზიდენტის აპარატის უფროსის მრჩევლის, ალექსეი არესტოვიჩის განცხადებას ეხმაურება.

„მას შემდეგ, რაც უკრაინელმა სამხედროებმა „ჩამოაგდეს“ და შემდეგ „არ ჩამოაგდეს“ რაკეტები დნეპროპეტროვსკის საცხოვრებელ კორპუსზე, უკრაინამ დაიწყო არესტოვიჩის გამოცხადება კრემლის აგენტად. არა, ეს არ იმუშავებს. ის არის კიევის რეჟიმის სახე. ზელენსკი არის ცხვირი, ხოლო არესტოვიჩი - სახე“, - წერს ზახაროვა.

 არესტოვიჩმა განაცხადა, რომ  „რაკეტა, რომელიც დნიპროში საცხოვრებელ კორპუსს მოხვდა, უკრაინის საჰაერო თავდაცვის სისტემამ ჩამოაგდო და დაცემისას აფეთქდა“.