„ერთიანობა – ნაციონალური მოძრაობის“ ლიდერის, თამარ კორძაიას განცხადებით, ტექნიკურ მთავრობაზე საუბარი არჩევნების შემდეგ იქნება, როდესაც ყველა ოპოზიციურ პარტიას საკუთარი პროპორცია ეცოდინება.

კორძაიამ უპასუხა კითხვას, „სალომე ზურაბიშვილის ინიციატივით, მთავრობა აპოლიტიკური ადამიანებისგან თუ უნდა დაკომპლექტდეს, ვინ დაეხმარება მათ სახელმწიფო ინსტიტუტების მართვაში?“

„ჩვენ ვთვლით, რომ ეს საკითხი და ეს ნაწილი დამაჯერებელ გამარჯვებამდე არ არის განსახილველი. როდესაც მოვიგებთ არჩევნებს და გვეცოდინება ყველა ოპოზიციურ პარტიას საკუთარი პროპორცია, იმის მიხედვით ვითანამშრომლებთ პრეზიდენტთან და ყველა სუბიექტთან“, – განაცხადა კორძაიამ.