არავის სიჩუმე დაგვავიწყდება, მათ შორის, არც მოვალეობის მოხდის მიზნით მოგდებული სთორები, – ამის შესახებ „კოალიცია ცვლილებებისთვის“ ერთ-ერთმა ლიდერმა, ზურაბ ჯაფარიძემ სოციალურ ქსელში დაწერა.

მისივე თქმით, იმ ხალხმა, ვინც დღეს ჩუმადაა, კარგად იცის, საით მიდის ეს ქვეყანა.

„იმ ხალხის მნიშვნელოვან ნაწილს, ვინც დღეს ჩუმადაა, კარგად ესმის, საით მიდის ეს ქვეყანა. ისინი ელიან რეჟიმის გამარჯვებას და ემზადებიან მჩაგვრელი ელიტის ნაწილად გახდომისთვის. იმიტომ რომ მხდალი, ოპორტუნისტი &₾ეები არიან (განსხვავებით ტვინგარეცხილი ფორმიანებისგან და უტვინო ტიტუშკებისგან) ვერავინ დაიმალება, არავის სიჩუმე დაგვავიწყდება, მათ შორის, არც მოვალეობის მოხდის მიზნით მოგდებული სთორები“, – წერს ჯაფარიძე სოციალურ ქსელში.