"არასდროს არ იქნება რუსული ტანკები ევროპაში", - ამ სიტყვებით მიმართა უკრაინის პრეზიდენტმა, ვოლოდიმირ ზელენსკიმ ვილნიუსის ცენტრში შეკრებილ უკრაინის მხარდამჭერებს.

ვოლოდიმირ ზელენსკი ვილნიუსში, NATO-ს სამიტის პარალელურად იმყოფება და ხვალ უკრაინის პრეზიდენტი ლიდერების ვახშამს დაესწრება, ხოლო უკრაინა-ნატოს საბჭოს სხდომა ოთხშაბათისთვისაა დაგეგმილი.

"არასდროს არ იქნება რუსული ტანკები ევროპაში. არასდროს იქნება რუსული ტანკები ფინეთში. ქვეყნის თავისუფლება გეკუთვნით თქვენ. ბახმუტის ნასახლარებში დასამარდა რუსეთის იმპერიალისტური ამბიციები, NATO დაიცავს უკრიანის უსაფრთხოებას, ჩვენ ეს დავიმსახურეთ, უკრაინა გახდის NATO-ს კიდევ უფრო ძლიერს. ჩვენმა ხალხმა, თითოეულმა მოქალაქემ ეს დაიმსახურა," - მიმართა ზელენსკიმ ვილნიუსის ცენტრში შეკრებილებს.