ნათია თურნავას თქმით, არანაირ დაპირისპირებას არ ჰქონია ადგილი და შესაბამისად ტიკარაძე „ქართული ოცნების“ გუნდში რჩება.

„საკადრო გადაწყვეტილებების უკან მედია სკანდალურ კონტექსტს ნუ ეძებთ. ეს არის ჩვეულებრივი ამბავი. ხდება ხოლმე სხვადასხვა ადგილას გადანაცვლება. ეკატერინე ტიკარაძე გუნდის წევრად რჩება. გარკვეული ეტაპი, რაზედაც მან დეტალურად ისაუბრა გუშინ, ჩავლილი არის. ახალი ეტაპი იწყება და ამას ახალი სასტარტო გადაწყვეტილებები სჭირდება.

არანაირი დაპირისპირება არ ყოფილა. სამთავრობო გადაწყვეტილებებს იღებს პრემიერ-მინისტრი. ჩემთვის არ არის ცნობილი, რომ უახლოეს პერიოდში რაიმე სხვა რამ იგეგმებოდეს“, - აცხადებს თურნავა.