„არაგონივრულია ის, რაც კეთდება 3 ივნისს“, - ამის შესახებ „ერთიანი ნაციონალური მოძრაობის“ წევრმა ნიკა მელიამ „ნაცმოძრაობის“ მიერ „ვივამედთან“ დაგეგმილ აქციასთან დაკავშირებით განაცხადა.

ჟურნალისტის კითხვაზე, 3 ივნისს მიხვალთ თუ არა „ვივამედის“ ეზოში აქციაზე? ნიკა მელიამ უპასუხა:

„გაუგებარია რას აკეთებენ, ეს იყო დაკვეთა?! ის მაინც თქვან, რომ შევცდით. შთაბეჭდილება მრჩება, რაღაცის მოსანიშნად ოღონდ აქტივობაში ჩაეთვალოთ აკეთებენ ამას. რას ემსახურება ეს აქცია „ვივამედის“ ეზოში? არ არის მართებული ის რასაც აკეთებენ. არაგონივრულია ის, რაც კეთდება ხვალ, ეს არ სჭირდება მიხეილ სააკაშვილს. სააკაშვილს სჭირდება უწყვეტი აქციები“, - აღნიშნა მელიამ. 

ცნობისთვის, “ნაცმოძრაობამ 3 ივნისს ”ვივამედთან" აქცია 14 საათზე დააანონსა.