„არაფრის ჩამოშლა არ არის, ეს შემიძლია გითხრათ“, - ასე ეხმაურება კლინიკა „ვივამედის“ კლინიკური დირექტორი ზურაბ ჩხაიძე ექსპრეზიდენტ მიხეილ სააკაშვილის დედის გიული ალასანიას განცხადებას, სადაც მან აღნიშნა, რომ “ სააკაშვილი ცუდად არის და ორგანოები ეშლება”.

ჩხაიძის თქმით, სააკაშვილის მდგომარეობას კლინიკა მართავს.

„იმდენად არაამქვეყნიური ინფორმაცია გაქვთ, რომ მე ახლა ქალბატონი გიულის ინფორმაციაზე კომენტარს ვერ გავაკეთებ, რას ნიშნავს ორგანოების ჩამოშლა. ქალბატონი გიულის საქმეა, შეუძლია, რაც უნდა ის განაცხადოს. არაფრის ჩამოშლა არ არის, ეს შემიძლია გითხრათ“, - აცხადებს ზურაბ ჩხაიძე.

შეგახსენებთ, 18 თებერვალს გიული ალასანიამ განაცხადა, რომ  სააკაშვილი ცუდად არის, ორგანოები ეშლება.