მომღერალ არჩილ მეფარიძის ბრალდების საქმეზე პროკურატურის ორი მოწმე გამოიკითხა. ექსპერტებმა იმ დაზიანებებზე ისაუბრეს, რომელზეც დაზარალებული ქალი ამტკიცებს, რომ მომღერალმა მიაყენა.

პროკურორი ამბობს, რომ მოწმეებმა პროკურატურის ვერსია ძალადობასთან დაკავშირებით დაადასტურეს. სხდომას თავად მეფარიძეც ესწრებოდა, რომელიც ბრალს უარყოფს და მისი მხრიდან ძალადობას გამორიცხავს.

„არ ვაღიარებ დანაშაულს. ის, რაც არ ჩამიდენია, როგორ უნდა ვაღიარო. იმედი მაქვს სასამართლო სწორ გადაწყვეტილებას მიიღებს“, - განაცხადა მომღერალმა ჟურნალისტებთან.

საქ­მე ეხე­ბა 2022 წლის 7 აპ­რილს, ვა­კე­ში მომ­ხდარ ფაქტს. მომ­ღე­რალს ძა­ლა­დო­ბა­ში ქალ­ბა­ტო­ნი ადანა­შა­უ­ლებს, რო­მე­ლიც ჰყვე­ბა, რომ მან­ქა­ნის გა­დას­წრე­ბის გამო მე­ფა­რი­ძემ მას სი­ტყვი­ე­რი და ფიზი­კუ­რი შე­უ­რა­ცხყო­ფა მი­ა­ყე­ნა. მისი თქმით, მე­ფა­რი­ძემ ჯერ მან­ქა­ნას წიხ­ლი და­არ­ტყა, შემ­დეგ კარი გა­ა­ღო და მას თავს და­ეს­ხა. მე­ფა­რი­ძეს ბრა­ლი წარედგინა ორი მუხლით: სის­ხლის სა­მარ­თლის კო­დექ­სის 126-ე მუხლი, რაც ძალადობას გულისხმობს და 151-ე მუხლი, რაც სიცოცხლის მოსპობის მუქარას გულისხმობს. ბრალის დამტკიცების შემთხვევაში მას ჯარიმა, შინაპატიმრობა, საზოგადოებისთვის სასარგებლო შრომა ან ერთ წლამდე თავისუფლების აღკვეთა ემუქრება.