„ის ვითარება, რაც დღეს ლაგუნა ვერეს ტერიტორიაზეა ყველასთვის, მათ შორის ჩვენი ოპონენტებისთვისაც მიუღებელია“, – ამის შესახებ თბილისის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარე რევაზ სოხაძე „ფორტუნას“ გადაცემაში „დღის თემა“ განაცხადა.

„ყველას განსხვავებული მოსაზრება აქვს, არ არსებობს რაიმე პროექტი სადაც ერთსულოვანი დამოკიდებულებაა. მნიშვნელოვანია, რომ არსებული გარემოების გათვალისწინებით, აბრეშუმის ქარხნის ძველი შენობა არა მხოლოდ შენარჩუნდება, არამედ, მოხდება მისი შერწყმა თანამედროვე არქიტექტურასთან“, – განაცხადა რევაზ სოხაძემ.

შეგახსენებთ, თბილისში, „ლაგუნა ვერესა“ და გმირთა მონუმენტს შორის, აბრეშუმის ყოფილი ფაბრიკის ადგილას, 65-სართულიანი მულტიფუნქციური კომპლექსის აშენება იგეგმება.