„არ არსებობს არცერთი ქვეყანა, რომელმაც დაიწყო „მწვანე პასპორტების“ სისტემის ამუშავება და არ მიიღო დადებითი შედეგი. ჯერჯერობით საქართველოზე ალბათ ძალიან რთულია კომენტარის გაკეთება, მაგრამ, თუ დააკვირდებით, ბოლო 3 დღის განმავლობაში ვაქცინირებული ადამიანების რაოდენობას დინამიკა არის დადებითი. ჩვენ 1 200 ვაქცინირებულიდან დავიწყეთ 5 დღის წინ და დღეს ეს მაჩვენებელი 7 000-ზე მეტია, ყოველდღიურად მზარდი რაოდენობაა. ეს არ შეიძლება იყოს შემთხვევითი. დარწმუნებული ვართ, რომ ამაში მნიშვნელოვანი როლი ითამაშა სწორედ „მწვანე პასპორტების“ სისტემის შემოღებამ“, - განაცხადა ივანე ჩხაიძემ.