აქციის მონაწილეები მერაბ მიქელაძის სახლიდან ადიგენის შესასვლელისკენ მიემართებიან.

დაბა ადიგენის შესასვლელი სოფელ ზარზმის მხრიდან გადაკეტილია. პოლიციის თანამშრომლები მუნიციპალიტეტის სხვადასხვა სოფლებიდან ჩამოსულ მოქალაქეებს აქციაზე მისვლის უფლებას  არ აძლევენ.

"ჩვენ მივდიოდით ადიგენში ჩვენს ძმებთან, რადგან ისინი ვერ ახერხებენ ლოცვას, ამის გამო მივდიოდით და გაგვაჩერეს. გვეუბნებიან დამშვიდდით, გავიდეს დრო. არც იმათ უშვებენ, აქეთ და არც ჩვენ იქით", – ამბობს სოფელ მოხეში მცხოვრები, რამაზ ვანაძე.

მისი თქმით, ადგილზე ნახევარ საათზე მეტია დგანან.

ცნობისთვის, 5 აპრილს დაბა ადიგენში, მერაბ მიქელაძის სახლთან მართლმადიდებელი სასულიერო პირები და მოსახლეობა აქციას მართავენ. ადგილზე მობილიზებულია დიდი რაოდენობით პოლიცია.

“სამხრეთის კარიბჭე”