ამერიკელი ასტრონავტი უოლტერ კანინგემი, Nasa-ს პირველი „მთვარის მისიის“ უკანასკნელი გადარჩენილი წევრი, 90 წლის ასაკში გარდაიცვალა.

Nasa-მ კანინგემის გარდაცვალება დაადასტურა. 

„მას ჩვენი ასტრონავტების მთვარეზე წარმატებულად დაშვებაში მნიშვნელოვანი წვლილი მიუძღვის. მსოფლიომ კიდევ ერთი ნამდვილი გმირი დაკარგა... ჩვენ ის ძალიან მოგვენატრება", - განაცხადა Nasa-მ. 

უოლტერ კანინგემის ოჯახის ერთ-ერთი წევრის ინფორმაციით, ის ჰიუსტონის საავადმყოფოში ბუნებრივი სიკვდილით 3 იანვარს გარდაიცვალა.

1968 წელს, ასტრონავტებმა, Apollo 7-ის 11-დღიანი პილოტირებული მისიის  დროს, პირველად გადმოსცეს პირდაპირი სატელევიზიო ტელერეპორტაჟი კოსმოსური ხომალდიდან. ერთი წლის შემდეგ, ამ მისიის შედეგად, ასტრონავტებს გზა გაეხსნათ მთვარეზე დასაშვებად.