ანტონ გერაშენკო: დიპლომატიური პროგრესის იმედი გაჩნდა

14/03/2022

15:29

A-

უკრაინის შინაგან საქმეთა მინისტრის მრჩეველმა, ანტონ გერაშენკომ, განაცხადა, რომ რუსეთსა და უკრაინას შორის მოლაპარაკებების მეოთხე რაუნდი ადგილობრივი დროით, 10:30 საათზე (08:30 GMT) დაიწყება.

„დიპლომატიური პროგრესის იმედი გაჩნდა მას შემდეგ, რაც უკრაინელმა მომლაპარაკებელმა, მიხაილო პოდოლიაკმა, აღნიშნა, რომ შაბათ-კვირას გამართული მოლაპარაკებები "კონსტრუქციული" იყო, - ეს ყველაზე ოპტიმისტური შეფასებაა“, - თქვა ანტონ გერაშენკომ.
„რუსეთი უკვე იწყებს კონსტრუქციულ საუბარს. ვფიქრობ, რამდენიმე დღეში გარკვეულ შედეგებს მივაღწევთ,” - თქვა პოდოლიაკმა ონლაინ ვიდეოში.
ორშაბათს ასევე გაიმართება ცალკეული მოლაპარაკებები აშშ-სა და ჩინეთს შორის, რადგან პეკინის მიერ რუსეთისთვის დახმარების გაგზავნის შესაძლებლობასთან დაკავშირებით შეშფოთება იზრდება.