ანტიტერორისტული ოპერაციის პარალელურად აზერბაიჯანმა  სოციალურ ქსელ ტიკტოკზე წვდომა შეზღუდა, - ამის შესახებ ინფორმაციას NEXTA Live  ტელეგრამზე ავრცელებს.

შეგახსენებთ, 19 სექტემბერს ბაქომ ყარაბაღში „ანტიტერორისტული ღონისძიებების“ დაწყება გამოაცხადა.

ამასთან, აზერბაიჯანის თავდაცვის სამინისტრო აცხადებს, რომ აზერბაიჯანის არმია ყარაბაღში თავის ანტიტერორისტულ ოპერაციებში სამოქალაქო მოსახლეობას და ინფრასტრუქტურულ ობიექტებს არ უმიზნებს.

აზერბაიჯანული მხარე აცხადებს, რომ აზერბაიჯანის არმიამ სომხეთის შეიარაღებული ძალების კუთვნილი საზენიტო-სარაკეტო კომპლექსი „ტორი“ გაანადგურა.

ლაჩინის გზაზე შეიქმნა ჰუმანიტარული დერეფანი ყარაბაღის მოსახლეობის სახიფათო ზონიდან ევაკუაციის მიზნით.