თავდაცვის საკითხებში ევროკომისარი ანდრიუს კუბილიუსი არ გამორიცხავს, რომ უკრაინელი ჯარისკაცები ევროკავშირის დაცვაში ჩაერთვებიან.

აღნიშნულის შესახებ კუბილიუსმა ვილნიუსში გამართულ კონფერენციაზე სიტყვით გამოსვლისას განაცხადა.

მისივე თქმით, უკრაინაში ომი სამშვიდობო შეთანხმებით თუ დასრულდება, უკრაინელი ჯარისკაცები შესაძლოა, ევროკავშირის აღმოსავლეთ ფლანგის დასაცავად გააგზავნონ.

„კარგი იქნებოდა, უკრაინაში მშვიდობის დამყარების შემდეგ, ბრძოლაში გამოცდილი უკრაინული არმია თუ იქნებოდა მზად, წარმოდგენილი იყოს ევროკავშირის სასაზღვრო რეგიონების ქვეყნებში, დაწყებული ბალტიისპირეთის ქვეყნებით და ლიეტუვით, გერმანული დანაყოფისა და ამერიკული ბატალიონების გვერდით“, – განაცხადა კუბილიუსმა.