ESPN Brazil-ის ინფორმაციით, მადრიდის "რეალის" მწვრთნელი კარლო ანჩელოტი, საკლუბო სეზონის დასრულების შემდეგ ბრაზილიის ნაკრებს ჩაიბარებს.

წყაროს ცნობით, აღნიშნულის შესახებ "სელესაოს" ფეხბურთელებმა უკვე იციან. იტალიელს ჯერ კონტრაქტზე ხელი არ მოუწერია, თუმცა თანახმაა შემოთავაზებას დათანხმდეს.

შეგახსენებთ, კარლო ანჩელოტის "ბლანკოსთან" მიმდინარე კონტრაქტი 2024 წლის ზაფხულში იწურება. ესპანური წყაროების თანახმად, "რეალის" პრეზიდენტი ფლორენტინო პერესი იტალიელის შემცვლელად - რაულის, ხაბი ალონსოსა და ალვარო არბელოას კანდიდატურებს განიხილავს.