ჟურნალ Spiegel-ის ინფორმაციით, გერმანიის ყოფილი საგარეო საქმეთა მინისტრი ანალენა ბერბოკი გერმანიის პარლამენტს 2025 წლის ივნისის ბოლოს დატოვებს, რაც გაეროს გენერალური ასამბლეის 80-ე სესიის თავმჯდომარის თანამდებობაზე მის არჩევასთანაა დაკავშირებული.

„ბუნდესტაგთან შიდა კომუნიკაციისას, ყოფილმა საგარეო საქმეთა მინისტრმა ოფიციალურად განაცხადა, რომ ის პარლამენტში მანდატზე უარს იტყვის“, - ნათქვამია გამოცემაში.

2 ივნისს, ბერბოკი გაეროს გენერალური ასამბლეის თავმჯდომარის თანამდებობაზე აირჩიეს. ის ამ თანამდებობაზე ერთადერთი კანდიდატი იყო და 193 შესაძლო ხმიდან 167 ხმა მიიღო.