აშშ-ის სახელმწიფო მდივანმა ენტონი ბლინკენმა ჰელსინკის მერიის შენობაში ფინეთის საერთაშორისო ურთიერთობების ინსტიტუტის მიერ ორგანიზებულ ღონისძიებაზე გამოსვლისას განაცხადა, რომ შეერთებული შტატები რუსების მტერი არ არის.

„აშშ არ არის თქვენი მტერი” - უთხრა მან რუსებს.

აშშ-ის სახელმწიფო მდივანმა განმარტა, რომ ვაშინგტონი ოცდაათი წლის განმავლობაში ინარჩუნებს სტაბილურ თანამშრომლობას მოსკოვთან. უსაფრთხო და აყვავებული რუსეთი ამერიკის ინტერესებშია -აღნიშნა ბლინკენმა.

მანვე განაცხადა, რომ აშშ არ ცდილობს რუსეთში ხელისუფლების დამხობას და რუსებმა უნდა განსაზღვრონ საკუთარი მომავალი.

სიტყვით გამოსვლისას ბლინკენმა ასევე განაცხადა, რომ ნატოს „კარები“ ღია დარჩება ალიანსის ახალი წევრებისთვის.