საქართველოს ფეხბურთის ფედერაციის პრეზიდენტმა, ლევან კობიაშვილმა, EURO 2024-ზე საქართველოს ეროვნული ნაკრების მიერ პორტუგალიის დამარცხების შემდეგ, პირველი კომენტარი გააკეთა.

"საოცრება ხდება. მართლა ძალიან ბედნიერი და ამაყი ვარ, რომ ასეთი გუნდი გვყავს. მთლიანად საქართველოს გილოცავთ, წარმოუდგენელი დღეებია და გრძელდება ეს ყველაფერი. დარწმუნებული ვარ, კიდევ ვისიამოვნებთ, რადგან მართლა საოცრებაა, რასაც ბიჭები აჩვენებენ. უნდა ნახოთ, გასახდელში რა ხდება - ძალიან ბედნიერები და ამაყები ვართ, რომ მოვესწარით ამ დღეს, რომ ევროპის ჩემპიონატზე ვართ, ამაყები, ჩვენი ქვეყნის დროშით და ეს ისტორია გრძელდება,"- განაცხადა ლევან კობიაშვილმა.