იტალიური მედია მეორე დღეა აქტიურად აშუქებს ქართველი ფეხბურთელის, “ნაპოლის” ნახევარმცველის  ხვიჩა კვარაცხელიას გარშემო აგორებულ კამპანიას საქართველოში. იწერება სტატიები და ქვეყნდება კვარაცხელიას გამოსახულებიანი პრეზერვატივის ფოტოებიც.

გვერდი Spazio Napoli წერს, რომ  "ამასობაში საქართველოში #კვარაცხელია პრეზერვატივზე აღმოჩნდა.. #georgia #napoli", და შესაბამის ფოტოს აქვეყნებს.

ჯერჯერობით უცნობია, რა რეაგირება მოჰყვება აღნიშნულ კამპანიას საფეხბურთო კლუბ “ნაპოლის” მხრიდან.

როგორც ცნობილია, "აიისამ" ხვიჩა კვარაცხელიას გამოსახულებით პრეზერვატივი გამოუშვა, რამაც ქართულ საზოგადოებაშიც გარკვეული უკმაყოფილება გამოიწვია.