"ალყაში ვიყავი, მინიმუმ სამი [თავდამსხმელი] იყო", - ამის შესახებ თავდასხმის შემდეგ სტუდენტი, სტუდენტური მძრაობის ლიდერი ნიკო მანაგაძე საუბრობს.

გამოვდიოდი თსუ-ს პირველი კორპუსის ეზოდან და ამ დროს ზებრასთან შეგვხვდნენ, გზაზე გადმოვდიოდი, ავტობუსის გაჩერებისკენ და უკნიდან ვიგრძენი რაღაცნაირად ჩარტყმა... არც დამინახავს, მერე მეც შევუბრუნე ხელი. ჩანთა დაუვარდა და ის ჩანთაც ავიღე და ვცდილობდი ეგრე თავდაცვას. მერე მოვიდა მეორე, მესამე, მე უკვე ალყაში ვიყავი, არც მახსოვს, რამდენნი იყვნენ... მინიმუმ სამი იყო, რაც დავინახე, შეიძლება ოთხიც იმიტომ რომ უკვე ბოლოს... ორი ნამდვილად არ იყო და ბოლოს ვერ დავინახე, რამდენი იყო. არ დამინახავს არაფერი... სახეზეც კი არ მახსოვს ეგ ხალხი, - ამბობს მანაგაძე.