ადვოკატი გიორგი რეხვიაშვილი ადასტურებს, რომ „ლელო – ძლიერი საქართველოს“ წევრი ალეკო ელისაშვილი დაკავებულია.

როგორც რეხვიაშვილი აღნიშნავს, დაკავება სისხლის სამართლის საქმეზე მოხდა.

„ერთადერთი, შემიძლია დაგიდასტუროთ, რომ არის დაკავებული, თუმცა რა მუხლით არის დაკავებული, მაგას ვერ გეტყვით, არ მაქვს ინფორმაცია. როგორც ვიცი, არის სისხლის სამართლის საქმე. იზოლატორში ველოდები გადაყვანას, როცა შევხვდები და შევალ, მაშინ შევძლებ დეტალური ინფორმაციის მოწოდებას. ეს არის, სავარაუდოდ, ახალი სისხლის სამართლის საქმე, რადგან მიმდინარე სისხლის სამართლის საქმესთან დაკავშირებით მას დაკავება არ უწევდა“, – განაცხადა რეხვიაშვილმა.