06/07/2024
19:34
კულტურა
![main-img]( /storage/files/%E1%83%90%E1%83%9A%E1%83%90%E1%83%95%E1%83%94%E1%83%A0%E1%83%93%E1%83%98%E1%83%98%E1%83%98%E1%83%98%E1%83%98%E1%83%98.png )
ალავერდის საკათედრო ტაძრის გუმბათის ყელის ირგვლივ და საეპისკოპოსო სახლის ფასადზე ხარაჩოს მოწყობის პროცესი აქტიურად გრძელდება, - ინფორმაციას ამის შესახებ საქართველოს კულტურული მემკვიდრეობის დაცვის ეროვნული სააგენტო ავრცელებს.
„ალავერდის საკათედრო ტაძარი კულტურული მემკვიდრეობის ძეგლის სტატუსის მქონე ყველაზე მაღალი ეკლესიაა საქართველოში.
სააგენტოს არქიტექტორ-რესტავრატორებისა და კონსტრუქტორების ჯგუფის მითითებითა და უშუალო ზედამხედველობით დღესაც აქტიურად გრძელდება ხარაჩოს მოწყობა ალავერდის საკათედრო ტაძრის გუმბათის ყელის ირგვლივ და საეპისკოპოსო სახლის ფასადზე.
დეტალურად შეფასდა საეპისკოპოსო სახლისა და სამუზეუმო სივრცის დაზიანებული კრამიტის სახურავის მდგომარეობა, რაც სპეციალისტებს საშუალებას მისცემს, წარმოადგინონ შესაბამისი პროექტი.
ტაძრის გუმბათის ყელის ირგვლივ კი ხარაჩო ამ ეტაპზე აფრებისა და მკლავების სახურავზეა დაყრდნობილი და გრძელდება გუმბათისკენ მისი აგების პროცესი.
ინფორმაციისთვის: ალავერდის ეპარქიისა და სააგენტოს წარმომადგენლებთან შეთანხმებით გადაწყდა, ტაძრის ფასადზე სასწრაფოდ მოეწყოს ხარაჩო, რათა სპეციალისტებმა შეძლონ გუმბათზე მუშაობა.
სარეაბილიტაციო სამუშაოების ჩასატარებლად ალავერდში გაიგზავნა 1500 კვ. მ ხარაჩოს მასალა.
როგორც საზოგადოებისთვის ცნობილია, 26 ივნისს საქართველოს კულტურისა და სპორტის მინისტრი თეა წულუკიანი სსიპ საქართველოს კულტურული მემკვიდრეობის დაცვის ეროვნული სააგენტოს გენერალურ დირექტორ ნიკოლოზ აზნაურაშვილთან ერთად გაეცნო ალავერდის სამონასტრო კომპლექსში შექმნილ მდგომარეობას“, - ნათქვამია მათ მიერ გავრცელებულ ინფორმაციაში.
ყველას, ვისაც სურვილი აქვს წვლილი შეიტანოს საქართველოსთვის ამ უმნიშვნელოვანესი ისტორიულ-კულტურული ღირსშესანიშნაობის სარეაბილიტაციო სამუშაოების განხორციელებაში, შეგიძლიათ თანხა ჩარიცხოთ ალავერდის სამონასტრო კომპლექსის დასახმარებლად ფონდ „ტალავარში“ შემდეგ ანგარიშზე:
მიმღები ბანკი: ს.ს “თიბისი ბანკი”
ბანკის კოდი: TBCBGE22
მიმღების ანგარიში: GE87TB7051236020100013
მიმღები: ალავერდის განვითარების ფონდი 'ტალავარი'
დანიშნულება: ალავერდისთვის.
მადლობა თანადგომისა და გულისხმიერებისათვის
![ფოტოს აღწერილობა მიუწვდომელია.](https://scontent.ftbs6-2.fna.fbcdn.net/v/t39.30808-6/449934724_898269902337763_8287143973285500787_n.jpg?_nc_cat=104&ccb=1-7&_nc_sid=833d8c&_nc_ohc=t0MLWvbnP7IQ7kNvgH4MmKc&_nc_ht=scontent.ftbs6-2.fna&oh=00_AYDjmELDWpZN317wg--jN50zi9GoaBNXoIiygBFnb8zpsg&oe=668F4701)
![შეიძლება იყოს 1 ადამიანი, საზომი ღერძი, შუქპირი, სართულის გეგმა and ტექსტი გამოსახულება](https://scontent.ftbs6-2.fna.fbcdn.net/v/t39.30808-6/449940008_898270189004401_148045755836886501_n.jpg?_nc_cat=101&ccb=1-7&_nc_sid=833d8c&_nc_ohc=HhwFGj1q8foQ7kNvgEMSVXF&_nc_ht=scontent.ftbs6-2.fna&oh=00_AYBH9U2mynJOqUp_X4hZv5JHWije4PgEj76uCkGUTa0HOg&oe=668F1FBE)
![შეიძლება იყოს fire escape გამოსახულება](https://scontent.ftbs6-2.fna.fbcdn.net/v/t39.30808-6/449929438_898270149004405_1625942232432073792_n.jpg?_nc_cat=103&ccb=1-7&_nc_sid=833d8c&_nc_ohc=UOGBMVK2_i4Q7kNvgFCbNh3&_nc_ht=scontent.ftbs6-2.fna&oh=00_AYAof1MsiYIBQB01PFSxDDRMgZwPl2Of6B_W6EVRwehfFg&oe=668F2F3E)
![შეიძლება იყოს 2 ადამიანი and იორკის ტაძარი გამოსახულება](https://scontent.ftbs6-2.fna.fbcdn.net/v/t39.30808-6/449980227_898270049004415_1012357325634547136_n.jpg?_nc_cat=106&ccb=1-7&_nc_sid=833d8c&_nc_ohc=neSIYYXSIvUQ7kNvgFDT7GP&_nc_ht=scontent.ftbs6-2.fna&oh=00_AYD-gUp-hT5Ky8F0ShWCSSsNf0YeV0jgjYBr9vDVtk2bfQ&oe=668F238A)
0
0