ალა პუგაჩოვა რუსეთში დაბრუნდა. ეს ინფორმაცია სააგენტო TASS-ს მისმა თანაშემწემ, ელენა ჩუპრაკოვამ დაუდასტურა.

წავა თუ არა მომღერალი, გუშინ გარდაცვლილი მეგობრის, ვალენტინ იუდაშკინის სამძიმარზე, ჩუპრაკოვამ ჯერჯერობით არ იცის: ”ჯერ არც კი მიკითხავს”.

მანამდე ვრცელდებოდა ინფორმაცია, რომ გენერალურ პროკურატურას მოსთხოვეს პუგაჩოვას შემოწმება უკრაინის შეიარაღებული ძალების შესაძლო დაფინანსების შესახებ. 

ცნობისთვის, ალა პუგაჩოვა, რომელმაც ომის დაწყებიდან მალევე დაგმო უკრაინაში მიმდინარე საომარი მოქმედებები, რამდენიმე თვის განმავლობაში რუსეთში არ იმყოფებოდა.