Airbnb-ზე „ჰარი პოტერის“ პერსონაჟის, რუბეუს ჰაგრიდის ქოხის ასლის დაქირავება გახდა შესაძლებელი.

სახლი ინგლისის აღმოსავლეთით, სოფელ ლივერტონთან მდებარეობს. ტერიტორიაზე სხვა შენობებიც ქირავდება, თუმცა ჯოან როულინგის სამყაროსთან, მხოლოდ ეს სახლია დაკავშირებული.

ქირის ფასი თარიღზეა დამოკიდებული. მაგალითად, 2024 წლის სექტემბერში სახლში ერთი ღამის გატარება $283 დაგიჯდებათ, დეკემბერში კი $294.

მსურველებს 6 კაცზე გათვლილი კოტეჯი უმასპინძლებს, სასტუმრო ოთახით, საძინებლით, სააბაზანოთიდა სამზარეულოთი. ქოხში ასევე არის ბუხარი, WiFi, აბაზანა კი სპილენძისგან არის დამზადებული.