სიონისტურმა რეჟიმმა ვერ შეძლო ირანის პროგრესის აგრესიით შეჩერება, – ამის შესახებ ირანის სულიერმა ლიდერმა, აიათოლა ალი ხამენეიმ განაცხადა.

ირანის სულიერი ლიდერის თქმით, მომავალი აჩვენებს, რომ როგორც სამხედრო, ასევე სამეცნიერო საქმიანობა უფრო მაღალი ჰორიზონტებისკენ უფრო სწრაფად წაიწევენ წინ, ვიდრე წარსულში.

აიათოლა ხამენეიმ ირანელ ერს ერთიანობის შენარჩუნებისკენ მოუწოდა და განაცხადა, რომ ქვეყნის მოსახლეობა ყოველდღე გაძლიერდება.

„სამხედრო მეთაურების მოვალეობაა, ქვეყანა სულ უფრო მეტად აღჭურვონ ეროვნული უსაფრთხოებისა და დამოუკიდებლობის დაცვის საშუალებებით. ყველა პასუხისმგებელი აღმასრულებელი ორგანოს მოვალეობაა, სერიოზულად მოეკიდოს ქვეყნის საქმეს და ბოლომდე მიიყვანოს იგი“, – აღნიშნა ირანის სულიერმა ლიდერმა.