უკრაინის პრეზიდენტმა, ვოლოდიმირ ზელენსკიმ განაცხადა, რომ აღმოსავლეთ უკრაინაში ახლა ძალიან მძიმე და მტკივნეული ვითარებაა, თუმცა იქ ქვეყნის მომავალი წყდება.

„როგორც ყოველთვის, დღესაც ვესაუბრე ჩვენს მეთაურებს, დაზვერვას. აღმოსავლეთში [ვითარება] ძალიან მძიმეა, ძალიან მტკივნეულია. აუცილებელია მტრის სამხედრო ძალის განადგურება და ჩვენ მას გავანადგურებთ.

ბელოგოროვკა და მარიინკა, ავდეევკა და ბახმუტი, უგლედარი და კამენკა და ყველა სხვა ადგილი, სადაც ახლა წყდება ჩვენი მომავალი, სადაც ჩვენი მომავალი იბრძვის - ყველა უკრაინელის მომავალი“, - აღნიშნა ვოლოდიმირ ზელენსკიმ.