ღაზას სექტორიდან ტერორისტები სასაზღვრო ქალაქებში გადასვლას აგრძელებენ. ამის შესახებ The Times of Israel წერს. გამოცემის ცნობით, ისრაელის თავდაცვის ძალებმა გვირაბი აღმოაჩინეს, რომლის გავლითაც გასული ღამის განმავლობაში 70-მა ტერორისტმა შეძლო საზღვრისპირა ქალაქ ბერიში გადასვლა. არსებული ცნობით, მათი უმეტესობა ბრძოლაში დაიღუპა.

The Jewish Press-ის ცნობით, ღაზას სექტორში შვიდ სხვადასხვა ფრონტზე მიმდინარეობს საბრძოლო მოქმედებები და ამის პარალელურად, გრძელდება მოსახლეობის ევაკუაცია.

„გეგმაშია, რომ ეს, ღაზას სექტორთან უკანასკნელი ომი იყოს“, - განაცხადა ისრაელის მინისტრთა კაბინეტის მდივანმა.

ცნობისთვის, 7 ოქტომბრის დილიდან პალესტინურმა დაჯგუფება „ჰამასმა“, რომელიც ღაზის სექტორს აკონტროლებს, ისრაელის ტერიტორიებზე მასიური სარაკეტო იერიში წამოიწყო.