აქტივისტმა ჯანსუხ ადლეიბამ ოკუპირებული აფხაზეთის ე.წ.  პრეზიდენტის, ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.

„მისი მმართველობის ოთხი წლის განმავლობაში, მან საარჩევნო კამპანიის არც ერთი პუნქტი არ შეასრულა. რასაც ის აკეთებს, დამღუპველია ჩვენი ქვეყნისთვის. მას არ აქვს მორალური უფლება იყოს თავის პოზიციაზე. მან წითელი ხაზი გადაკვეთა. მე ამას სახელმწიფო ღალატად მივიჩნევ“, - განაცხადა მან.

ადლეიბამ ადრე გამოაცხადა ეროვნულ-განმათავისუფლებელი მოძრაობის „თავისუფლების“ შექმნის შესახებ.
თებერვალში ასლან ბჟანიამ, აქტივისტის პროტესტზე კომენტირებისას, ახსენა მისი ახლობლები - 2023 წელს მათ სცემეს ყოფილი დეპუტატი თენგიზ აგრბა.