“აფხაზეთში სრულმასშტაბიანი სამობილიზაციო მზადება მიმდინარეობს“, - განაცხადა აფხაზეთის “სახალხო მოძრაობის“ ლიდერმა ადგურ არძინბამ. ინფორმაციას ”ეხოკავკაზა” ავრცელებს.

ოპოზიციონერი არჩინბას თქმით, “კონფლიქტი შესაძლებელია ნებისმიერ დროს დაიწყოს“, ხოლო მისი პრევენციის მთავარი გარანტი - ”ამ კონფლიქტისთვის მზადყოფნაა“.

„საქართველოში არიან გარკვეული ძალები, რომლებიც მიიჩნევენ, რომ აუცილებელია ისარგებლონ უკრაინაში არსებული ვითარებით და გაიხსნას მეორე ფრონტი. მათ მხარს უჭერს დასავლეთის რამდენიმე ქვეყანა. ჩვენ ყურადღებით ვადევნებთ თვალს იმას, რაც საქართველოში ხდება“, - განაცხადა არძინბამ Made in KBR Youtube არხთან ინტერვიუში.

აფხაზეთის ოპოზიციური “სახალხო მოძრაობის” ლიდერმა ასევე, ე.წ. “სარეზერვო ბატალიონების” წვრთნებზეც ისაუბრა.