ცოტა ხნის წინ აფეთქება მოხდა ქუთაისში – არსებული ინფორმაციით, დასავლეთ საქართველოს სამედიცინო ცენტრში გაზი აფეთქდა.

“აფეთქების ხმა იმდენად ძლიერი იყო, რომ მიწისძვრა გვეგონა. გარეთ რომ გამოვედით, შენობა დანგრეული დაგვხვდა”, აცხადებენ თვიმხილველები.

მათივე ინფორმაციით, დანგრეულია ის შენობა, სადაც საავადმყოფოს გათბობის სისტემა იყო დამონტაჟებული. 

წინასწარი ინფორმაციით არიან დაშავებულები.

შემთხვევის ადგილზე საგამოძიებო მოქმედებები მიმდინარეობს მომხდარის მიზეზის დასადგენად.

ფოტო: “ინფოიმერეთი”