დამწვრობის ცენტრის ხელმძღვანელის, გუგა ქაშიბაძის განცხადებით, სასროლეთში აფეთქების შედეგად დაშავებული 3 პირიდან, 59 წლის მამაკაცის მდგომარეობა მძიმეა, ხოლო ორი მათგანის სიცოცხლეს ამ ეტაპზე საფრთხე არ ემუქრება.

მისივე თქმით, მათ აფეთქების შედეგად სხვადასხვა სახის ტრავმები მიიღეს.

„სამი მამაკაცია დაზიანებული. აფეთქების შედეგად სხვადასხვა სახის ტრავმები მიიღეს. ერთი მათგანი 59 წლის მამაკაცი არის მოთავსებული რეანიმაციის განყოფილებაში. დაზიანებული დამწვრობა არის აქ: თავი, გულმკერდის წინა და უკანა ზედაპირი, ორივე ზემო კიდური. ამას ემატება სასუნტქი გზების თერმული-ინჰალაციური დაზიანება და ბაროტრავმა, რაც აფეთქებამ გამოიწვია. მამაკაცი ქირურგიულ განყოფილებაშია მოთავსებული - 30 და 39 წლის მამაკაცები, შესაბამისად, 12%-ი და 9%-ით დაზიანებებული, დამწვარი აქვთ სახე, მტევანი და ზემო კიდურები. მათი მდგომარეობა სტაბილურია. მათ ჯანმრთელობას და სიცოცხლეს საფრთხე ამ ეტაპზე არ ემუქრება“,- განაცხადა ქაშიბაძემ.