ადამიანებით ვაჭრობის ფაქტზე დაკავებულის აღმკვეთ ღონისძიებაზე სასამართლომ დღეს უნდა იმსჯელოს. უცხო ქვეყნის მოქალაქე გუშინ ზესტაფონში აიყვანეს.

გამოძიების ინფორმაციით, ბრალდებული ბათუმის ერთ-ერთ სილამაზის სალონში დასაქმებას დაჰპირდა ტაილანდის მოქალაქეებს, რომლებიც საქართველოში ჩამოვიდნენ, რის შემდეგაც დაკავებულმა ისინი მოტყუებით წაიყვანა ზესტაფონში, ჩამოართვა პირადობის მოწმობები და მათ გარკვეული ანაზღაურების სანაცვლოდ კლიენტებისთვის სექსუალური მომსახურების გაწევას აიძულებდა.

ამოღებულია უკანონოდ ჩამორთმეული პასპორტები, თანხა, მობილური ტელეფონები და კომპიუტერული ტექნიკა.