აჭარის უმაღლესი საბჭოს შენობაში სიტყვიერი და ფიზიკური დაპირისპირება მოხდა

26/11/2021

14:49

A-

აჭარის უმაღლესი საბჭოს შენობაში, საკრებულოს სხდომის დაწყებამდე, სადაც მომავალი წლის ბიუჯეტი უნდა დამტკიცდეს, ერთმანეთს „ნაციონალური მოძრაობის“ წევრები და საკრებულოს დამოუკიდელი დეპუტატი რაულ თავართქილაძე დაუპირისპირდნენ.

„ნაციონალური მოძრაობის“ წევრები დამოუკიდებელ დეპუტატს იზოლაციის წესის დარღვევაში ადანაშაულებდნენ და შენობის დატოვებას სთხოვდნენ. რაულ თავართქილაძემ კი განმარტა, რომ კოვიდინფიცირებულ მეუღლესთან შეხება არ ჰქონია.

ადგილზე მობილიზებულები არიან სამართალდამცველები. ვითარების განმუხტვის შემდეგ, „ნაციონალური მოძრაობის“ წევრები ბათუმის ახლადარჩეულს მერსაც დაუპირისპირდნენ.