როგორც ჯუმბერ ბათაძემ ჟურნალისტებს ბათუმში განუცხადა, შესაბამისი ღონისძიებები უწყვეტ რეჟიმში ხორციელდებოდა.

მან მეხანძრე-მაშველებს მადლობა გადაუხადა.

„შეტყობინების შემოსვლისთანავე - დაახლოებით 2 წუთში იყვნენ მობილური ჯგუფები ადგილზე, შესწავლილი იქნა არსებული სიტუაცია, რეგიონებიდან დამატებით მობილიზებული იქნა მეხანძრე-მაშველები. დაახლოებით 400 მეხანძრე-მაშველი მონაწილეობდა სამაშველო ღონისძიებაში სადღეღამისო რეჟიმში, წინასწარ შესწავლილი იქნა ნანგრევებში მოყოლილი მოქალაქეების ადგილმდებარეობა და წერტილოვნად მიმდინარეობდა მათი აღმოჩენის და სამაშველო ღონისძიებები.

სამაშველო რეჟიმი იყო სადღეღამისო, ჩანაცვლებით. მეხანძრე-მაშველებმა მაქსიმუმი გააკეთეს, ყველას მინდა მადლობა ვუთხრა“, - განაცხადა ჯუმბერ ბათაძემ.