„გახარია საქართველოსთვის“ თავმჯდომარის მოადგილე, ნათია მეზვრიშვილი სოციალურ ქსელში წერს, რომ აჭარის პროკურატურას მიმართეს კონკრეტული მოთხოვნებით, სასწრაფოდ დაიქვემდებაროს გახარიაზე მომხდარი თავდასხმის საქმის გამოძიება და შეაჩეროს მტკიცებულებების განადგურება:

"აჭარის პროკურატურაში შევიტანეთ განცხადება კონკრეტული მოთხოვნებით, მათ შორის: დაადგინონ ყველა შემსრულებლის და დანაშაულებრივი დავალების გამცემის ვინაობა და დაიწყონ ბრალდებულების დაკავების პროცედურა. საქმე სასწრაფოდ უნდა დაიქვემდებაროს პროკურატურამ და შეაჩეროს მტკიცებულებების განადგურება." წერს ნათია მეზვრიშვილი. 

გახარია - საქართველოსთვის“ ლიდერს, გიორგი გახარიას ბათუმში თავს დაესხნენ. 

თავდასხმა წუხელ, სასტუმრო "შერატონში" მოხდა. გახარია კლინიკაში გდაიყვანეს.

ექიმის განცხადებით, გიორგი გახარიას ცხვირის ძვლის მოტეხილობა და ტვინის შერყევა აქვს. მან კლინიკა საკუთარი სურვილით დატოვა.

გიორგი გახარიაზე თავდასხმის საქმეზე გამოძიება ძალადობის მუხლით დაიწყო - შსს