93 წლის ასაკში გარდაიცვალა ლეგენდარული იტალიელი დიზაინერი და ბიზნესმენი, ვალენტინო გარავანი, რომელიც მსოფლიოსთვის უბრალოდ „ვალენტინოს“ სახელით იყო ცნობილი. ინფორმაციას ამის შესახებ იტალიური მედია ავრცელებს.

ვალენტინო გარავანი მეოცე საუკუნის ერთ-ერთი ყველაზე გავლენიანი ფიგურა იყო. მისი გარდაცვალების შესახებ ინფორმაცია მისმა საქველმოქმედო ფონდმა გაავრცელა.

სამოციანი წლებიდან იგი მთელ მსოფლიოში ცნობილი იყო თავისი ქალის საღამოს კაბების უკიდურესი ელეგანტურობით, ასევე წითელი ფერის იმ ტონალობით, რომელსაც საკუთარი სახელი მიანიჭა - Rosso Valentino.

მან კომპანიაში თავისი პოსტი 2008 წლის იანვარში, 75 წლის ასაკში, 45-წლიანი კარიერის შემდეგ დატოვა.

რამდენიმე წელია, იგი განმარტოებულ ცხოვრებას ეწეოდა.