მთაწმინდის რაიონში 9 აპრილის ქუჩის რეაბილიტაცია დასრულდა.

თბილისის მერიის ცნობით, პროექტის ფარგლებში შეიცვალა მიწისქვეშა კომუნიკაციები, მოეწყო კაბელ-არხები და ელექტროსადენები მიწისქვეშ განთავსდა, დამონტაჟდა გარე განათების ქსელი LED სანათებით. გზის სავალ ნაწილზე დაიგო რამდენიმეფენიანი ასფალტის საფარი, მოწესრიგდა და განახლდა ტროტუარი.

სარეაბილიტაციო სამუშაოები, რომლის ღირებულება 1,5 მილიონი ლარია, თბილისის მერიის ინფრასტრუქტურის განვითარების საქალაქო სამსახურმა განახორციელა. რეაბილიტირებული ქუჩა დღეს დედაქალაქის მერმა, კახა კალაძემ დაათვალიერა.