19/02/2023
12:54
მსოფლიო
პაკისტანის უდიდეს ქალაქში, კარაჩიში, „ბოევიკები“ თავს დაესხნენ პოლიციის ოფისს. ტერაქტის შედეგად შვიდი ადამიანი დაიღუპა.
არსებული ცნობით, „ბოევიკებმა“ პოლიციის შენობას ცეცხლი გაუხსნეს და ყუმბარები ესროლეს.
მოგვიანებით, უსაფრთხოების ძალებმა სამივე ბოევიკი მოკლეს, რომლებიც თავს დაესხნენ სამართალდამცველების ოფისს.
გარდა ამისა, დადასტურდა რომ გარდაცვლილია უშიშროების სამსახურის 3 თანამშრომელი და ერთი მშვიდობიანი მოქალაქე. დაშავებულია 19 ადამიანი, მათგან ერთის მდგომარეობა მძიმეა.
თავდასხმაზე პასუხისმგებლობა აიღო ქვეყანაში აკრძალულმა ორგანიზაცია Tehreek-e-Taliban Pakistan-მა.
მალევე პრემიერ-მინისტრმა მკაცრად დაგმო ტერორისტული თავდასხმა და მადლობა გადაუხადა პოლიციას და უსაფრთხოების ძალებს თავდამსხმელების წინააღმდეგ ეფექტური მოქმედებისთვის.
0
0