თბილისში, „მიხეილ მესხის" სახელობის სტადიონზე, საქართველოს და სომხეთის ქალ ფეხბურთელთა ეროვნული ნაკრებების ამხანაგური შეხვედრა გაიმართა.

ქართველმა ფეხბურთელებმა მეტოქე ყველა კომპონენტში დაჩაგრეს და დიდი ანგარიშით, 5:0(3:0) დაამარცხეს.

გოლები თინათინ ამბალიამ, ნათია გადელიამ, ხატია ჭყონიამ, თეონა ბაქრაძემ და ნინო პასიკაშვილმა გაიტანეს.

საქართველოს ქალ ფეხბურთელთა ეროვნული ნაკრები ერთა ლიგის გათამაშებისთვის მზადების ფარგლებში სომხეთის ნაკრებთან კიდევ ერთ მატჩს 16 ივლისს, „მიხეილ მესხზე" გამართავს.