ინდოეთის უტარ-პრადეშის შტატში, 4 წლის გოგონა მგლების თავდასხმას ემსხვერპლა. როგორც BBC-ი წერს, სოფელში ელექტროენერგიის გათიშვის შემდეგ, გოგონას [სანდიას] თავის ქოხთან ჩაეძინა, როდესაც მას მგლები თავს დაესხნენ. სანდიას ცხედარი, მეორე დღეს, შაქრის ლერწმის ფერმაში, მისი სახლიდან 500 მეტრში იპოვეს.

აპრილის შუა რიცხვებიდან, ნეპალის საზღვართან ახლოს, მგლების გახშირებული თავდასხმების გამო, 30-მდე სოფლის მოსახლეობა პანიკამ მოიცვა. ცხოველმა 9 ბავშვი და 1 ზრდასრული ადამიანი იმსხვერპლა; სულ მცირე, 34 კი - დაშავდა.

ადგილობრივმა ხელისუფლებამ ცოფით ინფიცირებული მგლების დასაშინებლად ხაფანგები დააგო და ასევე მათ გასანადგურებლად ცეცხლსასროლი იარაღი გამოიყენა.