მაინის შტატის ქალაქ ლევისტონში მასობრივ მკვლელობაში ეჭვმიტანილს პოლიცია მთელი შტატის მასშტაბით ეძებს. თავდამსხმელი იდენტიფიცირებულია, იგი არის 40 წლის რობერტ ქარდი. 

მედიისთვის ცნობილია, რომ ის ცეცხლსასროლი იარაღის ინსტრუქტორია და აშშ-ის არმიის რეზერვში მუშაობს, ხოლო შემთხვევამდე ორი კვირით ადრე ფსიქიკური ჯანმრთელობის პრობლემების გამო კლინიკაში იმყოფებოდა.

გამომძიებლებმა ეჭვმიტანილის სახლში იდუმალი ჩანაწერი აღმოაჩინეს.

გამომძიებლები ცდილობენ დაადგინონ, ჩანაწერი იძლევა თუ არა პასუხს ოთხშაბათს მომხდარი მასობრივი სროლის მოტივზე.

ქარდის მანქანა იპოვეს ლისაბონში ნავის გაშვების მახლობლად, სროლიდან თითქმის 8 მილის დაშორებით. სავარაუდოდ, ნავი, რომელიც კარდს ეკუთვნოდა, გაუჩინარდა. ასევე ვარაუდობენ, რომ იგი შეიძლება ტყეში გაქცეულიყო.

ცნობისთვის, მსროლელი თავს დაესხა რესტორანსა და ბოულინგის დარბაზს, რის შედეგადაც, სულ მცირე, 22 ადამიანი დაიღუპა, 60-მდე კი დაიჭრა.