2023 წელს საქართველოს ხელისუფლების კონტროლირებადი ტერიტორიისა და ოკუპირებული აფხაზეთის ე.წ საზღვარზე 700-ზე მეტი ე.წ. აფხაზეთის სასაზღვრო კანონმდებლობის დამრღვევი დააკავეს. ამის შესახებ АПСНЫПРЕСС-ი წერს.

აღნიშნული დანაშაულის - „აფხაზეთის რესპუბლიკის სახელმწიფო საზღვრის უკანონო გადაკვეთის“ საფუძველზე 15 სისხლის სამართლის საქმეა აღძრული.

საოკუპაციო რეჟიმის განცხადებით, ე.წ. აფხაზეთ-საქართველოს საზღვარზე სხვადასხვა მიზნით ტვირთის უკანონო გადატანის 30 მცდელობა აღკვეთეს: ამოღებულია 900-ზე მეტი შეკვრა თამბაქოს ნაწარმი და 6 ცალი მაინინგის აღჭურვილობა.

გავრცელებული ინფორმაციით, ე.წ. აფხაზეთის კანონმდებლობის შესაბამისად უკანონო საქმიანობის ორგანიზებასა და განხორციელებაში ჩართული პირების მიმართ სამართლებრივი ზომები განხორციელდა.