სტატისტიკის ეროვნული სამსახურის წინასწარი ინფორმაციით, 2023 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 21 529.1 მლნ აშშ დოლარი შეადგინა, რაც წინა წელთან შედარებით 12.5 პროცენტით მეტია.

საქსტატის ცნობით, აქედან ექსპორტი 6 090.6 მლნ აშშ დოლარი იყო. შესაბამისად, გაიზარდა 9.1 პროცენტით, ხოლო იმპორტი 15 438.5 მლნ აშშ დოლარი იყო და ზრდამ 14.0 პროცენტი შეადგინა.

უარყოფითმა სავაჭრო ბალანსმა 2023 წელს 9 347.8 მლნ აშშ დოლარი შეადგინა, რაც საგარეო სავაჭრო ბრუნვის 43.4 პროცენტია.